#أهـل_المحبـة_يالمعافـى_مجاريـح
راع الهـوى تلقـى بقلبـه نواضيـح
والى طرى له طاري النـوح ناحـي
ماينفـتـح بـــاب بـلـيـا مفـاتـيـح
والى انفتح فالـدرب كلـه سماحـي
راس علـى الدنيـا بلـيـا سوامـيـح
قفـش كمـا البيضـه بليـا محاحـي
ابتـصـبـر واتـجـبـر ولا أصــيــح
وأثره يسـم الحـال كتـم الصياحـي
الحـب فلـح بسـرة القلـب تفلـيـح
مايمحي .. ماهوب رسـمٍ بضاحـي
الماء على كبدي تقل يصفقـه ريـح
أشرب والى ناش أول الكبد فاحـي
مصدوف أقوم من الغرابيل واطيـح
ياللي لغيرك من هل الزين ماحـي
يبست عروقي والمـوارد ضحاضيـح
مناقـع المـاء صعفقتهـا الريـاحـي
تكفـون فزعـه يالوجيـه المفالـيـح
قامت علـى الغبـه تناصـل لياحـي
اللـى لعـب بالقلـب مـزرٍ بتلـويـح
كنـه طريـدة طيـر بـارض بيـاحـي
غريسـةٍ مــا شيفـوهـا الفلالـيـح
تبـكـرت و مـبـشـرة بالـصـلاحـي
هم عادلين الماء عليها وهـو سيـح
والا عروقـه وافقـت مًـا قـراحـي
العـام علـمـي والتعالـيـل تلمـيـح
مافـرج الكافـور لاجــل اللقـاحـي
واليوم بأطـراف الذوايـب مواضيـح
واللـون واشـعٍ القنـا يـوم لاحــي
هزيـت جذعـه والثمـر مابعـد بيـح
فرطـه متـى يـارب فرطـه يباحـي
أهـل المحبـة يالمعافـى مجـاريـح
مامنهـم الـلـي مايـخـط بجنـاحـي
في حال قنعين .. وحـالٍ مشافيـح
من نيش قلبه بالهوى ما ستراحـي
كثـر التمـنـي والبـكـا والتنـاويـح
ما يجبـر الخاطـر ولاهـو سلاحـي
اللي زرع بـارضٍ يبـي هبـة الريـح
أهون تعب لاقـاه عـزق المساحـي
أسـري برجـوى غفلـةٍ بالمصابيـح
وأسـرح برجـوا تيـهـةٍ بالمـراحـي
تقول جرحي مندمل .. ماردي سيحيا(#عقاب) لا تخطي عيوني صحاحي