من مفرق الهامه إلى حـد ماطـاه
ياونتـاه اللـي بـرت جسـم حـالـ
يبـري الدبـا نبنـوب غصـن تغشـلاه
علـى عشيـر بالمـوده صـفـا لــي
وازريت أنـوش حمـاه وانـا اتعـداه
غـرو جبينـه مثـل خــط الهـلالـي
سبحـان رب صــوره لـيـن ســواه
وحـيــاة رب كـمـلـه بالجـمـالـي
من مفرق الهامه إلـى حـد ماطـاه
انـه منـول وامـس واليـوم غالـي
واتلـى زمانـه بالغـلا مثـل مبـداه
مـالـه حـلـي إلا مــودة عـيـالـي
اصغـر عيالـي بالـغـلا كـنـه إيــاه
لا ابطيـب ماشفتـه وهـو ماعنالـي
عفت المكان اللـي يغيظـه ويجفـاه
لـو دلهونـي عنـه مانيـب سـالـي
اشفق على شوفه واهوجس بطرياه
شوفـه دواي وقـل شوفـه زوالـي
حـكـيـم طـــبٍّ جـامــع داه ودواه
حقـه علـى إلـى تزخـرف قبـالـي
ابـعـد مــزاره بالـهـوى واتمـنـاه
وحقي عليه إلى اعترض له مجالـي
يصفح ويلقاني على الطول والقـاه
مابه من العـذروب عنـق الغزالـي
إلا الزمـان اللـي حـدانـي وعــدّاه
ريقـه حـلا مـن در عـفـر متـالـي
لا روّحن مـن مدفـق سـال مجـراه
هبـي بريحـه ياهـبـوب الشمـالـي
كود الجنوب ومطلع الشمس تنصاه
عبث صبيت لعشرته مـن صبـا لـي
سجلـي بنجلـه والـمـوده مـجـازاه
يـامـا ويـامـا فرقـتـنـا اللـيـالـي
نجـع مقيـم وفـرق البـعـد لامــاه
أقفت مراحيله وانـا اقفـت رحالـي
خلْيَـت مداهيلـه وعمـيـت ركـايـاه
وخـان الزمـان بعشرتـه والتوالـي
ورثـت مـن يصفـق شمالـه بيمنـاه
وعضيت بسرة شاهدي من هبالـي
وونيـت ونـة مـن نقـل داه بــرداه
أسهـر إلـى نـام المعافـى لحالـي
والصبح أجدد ذكـر حمـام واسمـاه
هنـي دحــش دب الايــام سـالـي
ماولعـه طـرد العماهيـج واغــراه
ولا صـلاه مـن التصاريـف صـالـي
وذاق الفراق وتـاه مثلـي بمسـراه
ياطـول ماطـاوع نسيـم الهـوا لـي
من قبل يبدي لي من الوقت مجفاه
واعتظت من عقب الجديد السمالـي
ولا ينفع الفايـت ولـو قيـل محـلاه
ليتـي قريـبٍ لــه وبيـتـه مـوالـي
والعلـم مـن بينـي وبينـه منـاجـاه
ان كان لـه بمواجهـي مثـل مالـي
وقلبـي معـه يبـراه والهـم يـبـراه
وإلا ترانـي عنـه طــاوي حبـالـي
يلقى وانـا القـى واحـد كنـه إيـاه
مانيـب مـن يتبـع خفيـف الخيالـي
إلـى تحـدر بارقـه عـفـت مـرعـاه
هـذا وصلـوا عـد رمـل السهـالـي
علـى نبـي شيـع الـديـن واحـيـاه
وآلـه وصحـبـه كلـهـم بالكمـالـي
واللـي تبـع سنـة نبـيـه ومـجـرا