ما أجملك
والبارحة كله مطر
خلي الستاير فاتحة
واقري علي الفاتحة
وقصة عن زرادشت
وعن مهدي السلام المنتظر
انا رجل شرقي يعيش لينتظر
في قرية في ايطاليا
في غرفة في ايطاليا
النوم يغتال السهر
والليل يستن الفجر
حبيبتي
لا جا الفجر
صحيني أصلي الفجر
حظ الصباح اللي يجي .. وانتي على قيد الحياة
كل الصباحات اللي مرّوا وجهك انخشوا وراه
تاريخ من نور وطهر
تنتظرك الغابة تجين
تنتظرك الغابة.. من آلاف السنين
جهزتي أشياء الصباح
شنطة ظهر .. وشنطة طهر
فيها من الحب الكثير
وفيها من البن الكثير
ولا تسألين ..عن الجمر
حنا الجمر
أهم شي .. شمسيتك
من شان لامن جا مطر .. تتماسكين
من يجمع الؤلؤ ليامنه انتثر ؟
انا بشر .. فقط بشر
ما أجملك
لما تشوفيني ويحدسني الجفن .. وتغمضين
مدري يحدسني أو يبي يتأملك ؟
من داخلك
سجين .. يحسد له سجين
انا سجين فخارجك
واهو سجين ف داخلك
واثنينا .. المسكين
لا تفتحين .. لا تفتحين
ما أجملك
ياللي الهوى يترك ممراته لكي يتخللك
ما أجملك
تصدقين ؟
اني بديت اشك .. بديت اشك
أشك ان انتي لك
الشمس ما تشرق
الأرض اللي تدور
وانتي الشروق السرمدي في جبينك
كل شي في العالم على نفسه يدور .. الا انا
ادور بينك وبينك
انا يتيمك وصل .. واحساس .. وشعور
اكفلني .. وانو اجري لاحد والدينك
هذا هو الشارع وهذا هو السور
وهذا هو الباب اللي يفتح حنينك
هل لازم اتنكر على شكل عصفور ؟
عشان اجي معهم واقبل يمينك ؟
ما ابعدك ..
ياللي غروري انطفى على يدك
ما اوعدك
بأي شي .. الا بغروري أوعدك
اذا تبي تشوف رجال مغرور ؟
شفني وانا تمسك يديني يدينك
عقاب بن المساعيد
Augab Almasaeed
الرئيسية 
اليومية
