والله لـو ان ابـن عواد نمّـام=لتسود في ساحة الشعـر النميمـه
لاقال كلمه ليـا الالسـن والاقـلام=مثل المشفّح على صحـن العزيمـه
كنّه يلمّ البشر فـي مجلـسٍ عـام=لصدقتـه الجاريـه والمستديـمـه
والعالم إعلام وأبياته( نبـأ هـام)=او انّهـم غـزو وأبياتـه غنيمـه
مبدع وعنده قلوب النـاس خـدّام=والناس ماتحفـظ الـلا ذات قيمـه
ابياته أثبت من البصمـه بالابهـام=وأحلى على النفس من رفع الظليمه
لاقالها قامـت الدنيـا وهـو نـام=واستقبلتهـا الـدروب المستقيمـه
ماتاخذ اسبوع واللا عشـرة أيـام=اللا وهي نار بـدوٍ فـي هشيمـه
وأهل اليمن والوسط والغرب والشام=كلّن يقول إلـك سامعهـا قديمـه
هالرجل شعره مايمشي غير قـدّام=واللي يمرّه يوقّـع فـي صميمـه