انا اللي يهيض مسمعي مثل ( ابن جدلان )
======زعيـم القوافـي سيـد الشعـر واميـره
ليا اوحيت شعره قلت بسـم الله الرحمـن
======هو اللي يقول الشعـر والا حـدن غيـره
تقول يتعاون معـه فـي نظمهـا شيطـان
======عليه الله اكبر كيـف نظمـه وتصويـرة
نتائـج فرايـد مهجتـه كنهـا المرجـان
=======او الؤلـؤ الصافـي متـعـب مـداويـره
عقود مـن الألمـاس تستاهـل الإثمـان
=======مهو بالفتـات اللـي تكاثـر بـه الليـره
ليا سمعه الشاعـر تطيـر وجـاه جنـان
=======قعـد يـدرج ويقـوم ويعصـر تفكـيـره
يبا مثلها لكن مضت كـان يـا مـا كـان
======مواريـد عـدن مـا توافيـق مصاديـره
خذا الأكلبي منها الغزايـز بـدون اعـلان
=======اللـي مارماهـا بالتفـق صـاده طيـره
ليا طب في وادن قفر مـا وطـاه انسـان
=======قطـف منـه حوذانـه وورده ونـويـره
ينقي (سمان الهرج) كنـه علـى ميـزان
======يطـرز بـه الأسمـاع ويعطـر السيـره
بلا قاصر(ن) بأهل الأدب وأهـل الإتقـان
=====رجال(ن) تحفظ لسامـع الشعـر تقديـره
ولا اخص أحد كل(ن) يعبر ومعـه لسـان
======لكن الله.. الله في الشعـر يـا شواعيـره
ترى بعض شعر اليوم خطاً بـلا عنـوان
======زوالـه سريـع مثـل خـط الطباشيـره
يغنيه من بين العرب شاعـر(ن) فسقـان
======لكنـه يضيـع صيدتـه فـي معاصـيـره
يقول اني الشاعر وانـا المبـدع الفنـان
=====وهـو جايبـاً (صـك البـلاد) بحذافيـره
إذا الشعر ما يبقى كما النقـش فالأذهـان
====ولا يطرب السامع تـرى تركتـه خيـره